Шәхси сайтыма рәхим итегез!

Хөрмәтле хезмәттәшләрем!

Сезне 1 нче сентябрь - белем бәйрәме белән чын күңелдән тәбрик итәм!

Авыр һәм мактаулы эшебездә сабырлык, уңышлар һәм тәрбияле укучылар, аңлаучы ата-аналар, теләктәш җитәкчелек юлдаш булсын.

2019-2020 нче уку елы уңышларга бай булсын!

 

   Сезгә телим саулык, озын гомер,

  Шәхси бәхет, дөнья рәхәтен.

  Шәкертләрнең тырыш, инсафлысын,

  Яхшы гамәл, Ходай рәхмәтен!

               Туган тел

Һәр галимнең, һәр шагыйрьнең сүзе

Җитсен иде һәрбер күңелгә,

Җилләр, сулар тавышы шикелле үк,

Үзләренең асыл телендә.

Атом көче, радио заманында

Күрсәм иде шуны мин тагын:

Ярдәмләшеп, телләр бер-берсендә

Тапса фәкать кардәш, туганын.

Бу дөньяның төсен, ямен, зәүкын

                                                                    Кем аркылы, ничек белдем мин?

                                                                    Бишектә үк мине өйрәтүчем,

                                                                    Туган телем - бәгърем, син ул, син!

                                                                    Рәхмәт сиңа, рәхмәт, тәрбиячем,

                                                                    Һәр нәрсәнең асыл мәгънәсен.

                                                                    Син аңлаттың миңа, туган телем,

                                                                    Син өйрәттең миңа һәммәсен.

 

(Хәсән Туфан)